უნგრეთის პრემიერ-მინისტრი ვიქტორ ორბანი ევროკავშირს „ამაზრზენი“ პრაიდის ორგანიზებაში ადანაშაულებს, – ამის შესახებ „როიტერი“ წერს.
ორბანმა შაბათს გამართულ პრაიდის მარშს „ამაზრზენი და სამარცხვინო“ უწოდა.
ბუდაპეშტში პრაიდის მსვლელობა ბოლო წლების განმავლობაში ორბანის წინააღმდეგ ერთ-ერთ ყველაზე მასშტაბური დემონსტრაცია იყო, რომელშიც დაახლოებით 100 000 ადამიანი მონაწილეობდა.
უნგრეთის პრემიერ-მინისტრის თქმით, „ბრიუსელის“ მითითებით, პოლიტიკოსებმა თავიანთ ამომრჩევლებს ღონისძიებაზე დასწრებისკენ მოუწოდეს.
„გუშინდელი დღიდან ჩვენ კიდევ უფრო დარწმუნებულები ვართ, რომ ეს ადამიანები, ოპოზიციონერი პოლიტიკოსები, მთავრობის სათავეში არ უნდა მიუშვან და ჩვენ ამას არც დავუშვებთ“, – განაცხადა ორბანმა.
კომენტარები