რუსეთის შეიარაღებულმა ძალებმა გვიან ღამით არტილერიის გამოყენებით უკრაინის ქალაქ ხერსონში მდებარე საავადმყოფო დაბომბა. ინფორმაციას ხერსონის სამხედრო საოლქო ადმინისტრაციის უფროსი, ალექსანდრე პროკუდინი „ტელეგრამის“ საკუთარ არხზე ავრცელებს.
მისი თქმით, შენობა ნაწილობრივ ჩამოინგრა. დაშავდა ხუთი პაციენტი. მათ კონტუზია და სხვადასხვა სახის დაზიანებები აღენიშნებათ. დაბომბვის შედეგად დაშავდა აგრეთვე სამი მედდა.
კომენტარები