აშშ-ის სახელმწიფო მდივანმა, მარკო რუბიომ განაცხადა, რომ მხარეები „შეთანხმდნენ კონკრეტულ ნაბიჯებზე, რომლებიც სირიაში შემაშფოთებელ და შემზარავ სიტუაციას დაასრულებენ“.
„ეს ყველა მხარისგან მოითხოვს ნაკისრი ვალდებულებების შესრულებას და ჩვენც სწორედ ამას ველით მათგან“, – აღნიშნა აშშ-ის სახელმწიფო მდივანმა.
სირიის მთავრობა შეეცადა ჩარეულიყო დრუზებსა და ბედუინებს შორის მომხდარ შეტაკებებში, რამაც, ისრაელის განცხადებით, დრუზული თემი საფრთხეში ჩააგდო.
გავრცელებული ცნობებით, დაიღუპა 300-ზე მეტი ადამიანი, რასაც მოჰყვა ისრაელის თავდაცვითი ძალების ფართომასშტაბური საჰაერო იერიშები სირიის სამთავრობო ობიექტებზე მთელი ქვეყნის მასშტაბით.
კომენტარები