უკრაინა რუსეთთან სამშვიდობო მოლაპარაკებისთვის მზადაა, – განაცხადა უკრაინის საგარეო საქმეთა მინისტრმა, ანდრეი სიბიგამ ლუბლინში ვიზიტისას, სადაც პოლონეთისა და ლიეტუვის საგარეო საქმეთა მინისტრებს შეხვდა. როგორც სიბიგამ აღნიშნა, ცეცხლის შეწყვეტისთვის ყველაზე ეფექტიანი გზა რუსეთისა და უკრაინის ლიდერების შეხვედრა იქნება
„ასეთი მოლაპარაკებისთვის მზად ვართ ნებისმიერ ფორმატში, ნებისმიერ ადგილას. კარგი იქნებოდა ასეთ შეხვედრაში მონაწილეობა მიიღონ სხვა ლიდერებმა, პირველ რიგში, პრეზიდენტმა ტრამპმა, ევროპელმა კოლეგებმა, პრეზიდენტმა ერდოღანმა. ჩვენ ვფიქრობთ, რომ ასეთმა შეხვედრამ, შეიძლება, შეცვალოს ცეცხლის შეწყვეტის რეჟიმი ხმელეთზე, ზღვაზე, ჰაერში გრძელვადიანი ცეცხლის შეწყვეტით, რაც გზას გაუხსნის შემდგომ უფრო ფართო მოლაპარაკებებს რუსეთის მხარესთან“, – აცხადებს სიბიგა.