ისრაელი მოითხოვს, რომ დამასკოს სამხრეთით, გოლანის მაღლობებიდან დრუზების მთებამდე ტერიტორია დემილიტარიზებული იყოს, – განაცხადა ისრაელის პრემიერ-მინისტრმა ბენიამინ ნეთანიაჰუმ ვიდეო მიმართვისას. მისი თქმით, ეს ისრაელისთვის წითელი ხაზია, რომელიც სირიის მთავრობამ გადაკვეთა.
„ჩვენ მკაფიო პოლიტიკა დავსახეთ. დამასკოს სამხრეთით, ტერიტორიის დემილიტარიზაცია, გოლანის მაღლობებიდან დრუზების მთებამდე, ჩვენთვის ეს არის წითელი ხაზი, ეს ერთი; მეორე ხაზია ჩვენი ძმების დაცვა, დრუზების, რომლებიც დრუზების მთებში არიან. არ დავუშვებთ, რომ სამხედრო ძალები გაიგზავნოს დამასკოს სამხრეთით, არ დავუშვებთ, რომ დრუზებს ზიანი მიადგეთ“, – აღნიშნა ნეთანიაჰუმ.
კომენტარები