ჩვენი მთავარი იარაღი არის სიმართლე, ის, რომ ერთი – ვართ მართლები და მეორე, ვესაუბრებით საზოგადოებას იმის შესახებ, რაც სიმართლესთან არის შესაბამისობაში, – განაცხადა გადაცემა „დღის ქრონიკაში“ იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა.
მისივე თქმით, აქედან გამომდინარე ძალიან მარტივდება შესაბამისი დასკვნების გაკეთება.
„ბუნებრივია, არ და ვერ იქნება ჩვენს ინტერესებში ის, რომ დახურულ კარს მიღმა, კონსპირაციულად, ასეთ უსამართლო პროცესში მივიღოთ მონაწილეობა. პირიქით, სწორედ საზოგადოების ინფორმირებულობის, საზოგადოების ჩართულობის კვალდაკვალ ჩვენ გავდივართ ამ ძალიან რთულ გზაზე. შეიძლება ითქვას, ბეწვის ხიდზეც კი გარკვეულ კონტექსტში.
საბედნიეროდ, ჩვენი საზოგადოების უდიდეს ნაწილს ძალიან კარგად ესმის. ამის შესანიშნავი მაგალითი და დემონსტრაცია იყო თუნდაც, გასული წლის საპარლამენტო არჩევნებზე ის უპრეცედენტოდ მაღალი მხარდაჭერა, რამაც გადააჭარბა მილიონ 120 ათასი ამომრჩევლის ხმას, რომელიც დაფიქსირდა. ასე, რომ ჩვენ, ბუნებრივია, ამ კურსს ვაგრძელებთ.
ისევ ჩვენი სიმართლით ველაპარაკებით ყველას, იქნება ეს ევროპული ბიუროკრატია თუსხვა ძალები. საზოგადოებასთან ერთად მზად ვართ, რომ მივიღოთ ნებისმიერი ის გამოწვევა, რომელიც შეიძლება იყოს საფრთხის შემცველი ისევ და ისევ ჩვენი ქვეყნის უსაფრთხოებისთვის. ასე, რომ აქ რაც არ უნდა გეგმები ისახებოდეს რადიკალების მიერ, მათი გარე პატრონების ხელშეწყობით და მათ მიერ, კიდევ ერთხელ ვამბობ, რომ იმ პირობებში, როდესაც ჩვენ პირნათელი ვართ საზოგადოების წინაშე, სამშობლოს წინაშე, ბუნებრივია, გვაქვს აბსოლუტურად ოპტიმისტური განწყობა. სიმართლე აუცილებლად თავის გზას და კვალს იპოვის“, – აღნიშნა თორნიკე ჭეიშვილმა.