რუსეთმა უკრაინაზე მორიგი მასირებული იერიში მიიტანა, არიან დაღუპულები და დაშავებულები. ინფორმაციას უკრაინული მედია ავრცელებს.
მედიის ცნობით, უკრაინის დედაქალაქზე თავდასხმისას კიევის ოთხ რაიონში ხანძარი გაჩნდა. დაღუპულია, სულ მცირე, ერთი, ხოლო დაშავებულია ორი ადამიანი. კიევში მეტროს წითელ ხაზზე მოძრაობა დროებით შეზღუდულია. დაზიანებულია საბავშვო ბაღის შენობა.
ქალაქ ივანო-ფრანკოვსკზე მიტანილი იერიშის შედეგად დაზიანდა სამოქალაქო ინფრასტრუქტურა. როგორც ქალაქის მერი რუსლან მარცინკივი აცხადებს, არის მსხვერპლიც. მისივე თქმით, ომის დაწყების დღიდან ეს ქალაქზე მიტანილი ყველაზე მასშტაბური იერიში იყო. ხელისუფლება მოსახლეობას თავშესაფრებში დარჩენისკენ მოუწოდებს.
კომენტარები