ოცდახუთმა ქვეყანამ, მათ შორის საფრანგეთმა, ბელგიამ და გაერთიანებულმა სამეფომ, ერთობლივი განცხადება გაავრცელეს, სადაც ნათქვამია, რომ ღაზაში ომი ახლავე უნდა დასრულდეს და ისრაელმა უნდა დაიცვას საერთაშორისო სამართალი.
ხელმომწერი ქვეყნების საგარეო საქმეთა მინისტრებმა განაცხადეს, რომ „ღაზაში მშვიდობიანი მოსახლეობის ტანჯვამ ახალ სიღრმეებს მიაღწია“ და დაგმეს „დახმარების წვეთოვანი მიწოდება და მშვიდობიანი მოსახლეობის, მათ შორის ბავშვების, არაადამიანური მკვლელობა, რომლებიც ცდილობენ დაიკმაყოფილონ წყლისა და საკვების ყველაზე ძირითადი საჭიროებები“.
„ისრაელის მთავრობის მიერ დახმარების მიწოდების მოდელი საშიშია, ხელს უწყობს არასტაბილურობას და ღაზის მცხოვრებლებს ართმევს ადამიანურ ღირსებას“, – ნათქვამია განცხადებაში.
„ისრაელის მთავრობის მიერ სამოქალაქო მოსახლეობისთვის აუცილებელი ჰუმანიტარული დახმარების აღკვეთა მიუღებელია. ისრაელმა უნდა შეასრულოს საერთაშორისო ჰუმანიტარული სამართლით ნაკისრი ვალდებულებები“, – აღნიშნულია განცხადებაში.