უკრაინაში ფრანგული წარმოების სამხედრო თვითმფრინავი Mirage 2000 ჩამოვარდა. ინფორმაციას უკრაინის შეიარაღებული ძალების საჰაერო ძალები ავრცელებს.
„2025 წლის 22 ივლისს, საღამოს გამანადგურებელი Mirage 2000 საფრენი დავალების შესრულების დროს მწყობრიდან გამოვიდა, რაზეც პილოტმა ფრენების ხელმძღვანელს აცნობა“, – ნათქვამია საჰაერო ძალების მიერ გავრცელებულ განცხადებაში.
ინფორმაციაში აგრეთვე აღნიშნულია, რომ პილოტმა კატაპულტირება მოასწრო. ის უკვე აღმოაჩინეს და მის სიცოცხლეს საფრთხე არ ემუქრება.
მომხდარის მიზეზებს სპეციალური კომისია იკვლევს.
კომენტარები