ევროპელი პოლიტიკოსების განცხადებით, უკრაინის პრეზიდენტმა, ვოლოდიმირ ზელენსკიმ ქვეყნის ევროკავშირში გაწევრიანების ამბიციები საფრთხის ქვეშ დააყენა, – წერს გამოცემა POLITICO.
სამშაბათს ზელენსკიმ ხელი მოაწერა სადავო კანონპროექტს, რომელიც, კრიტიკოსების თქმით, აუქმებს უკრაინის ანტიკორუფციული ინსტიტუტების დამოუკიდებლობას.
ამან გამოიწვია საპროტესტო აქციები ქვეყნის მასშტაბით, პირველად მას შემდეგ, რაც 2022 წლის თებერვალში რუსულმა ტანკებმა საზღვარი უკრაინის საზღვარი გადაკვეთეს.
ევროკავშირის უმაღლესმა ხელმძღვანელობამ ზელენსკის მოუწოდა, დაამტკიცოს, რომ კვლავ ერთგულია ევროპული დემოკრატიული ღირებულებების, მას შემდეგ რაც ხელი მოაწერა აღნიშნულ კანონს, რომელიც, ევროპელი მოკავშირეების თქმით, საფრთხეს უქმნის უკრაინის ევროკავშირში გაწევრიანების ძალისხმევას.
ევროპული საბჭოს პრეზიდენტმა, ანტონიუ კოშტამ ასევე გამოხატა თავისი შეშფოთება ზელენსკისთან საუბარში და განმარტებები მოითხოვა, – განუცხადა ევროკავშირის ოფიციალურმა წარმომადგენელმა POLITICO-ს.