რუსეთის ამურის ოლქში ჩამოვარდნილი სამგზავრო თვითმფრინავის, An-24-ის ბორტზე მყოფი ყველა პირი დაიღუპა. ამის შესახებ რუსული მედია ოპერატიულ სამსახურებზე დაყრდნობით ავრცელებს ინფორმაციას.
ადგილობრივი ხელისუფლების ინფორმაციით, ბორტზე იმყოფებოდა ეკიპაჟის ექვსი წევრი და 43 მგზავრი, მათ შორის ხუთი ბავშვი.
თვითმფრინავი ბლაგოვეშენსკიდან ტინდაში მიფრინავდა, როდესაც ეკიპაჟთან კავშირი გაწყდა. საგანგებო სამსახურებში აღნიშნავენ, რომ თვითმფრინავი მთის ფერდობზე, რთულად მისადგომ ადგილას ჩამოვარდა. კატასტროფის შედეგად თვითმფრინავს ცეცხლი გაუჩნდა. ამურის ოლქის ხელმძღვანელი ვასილი ორლოვი აცხადებდა, რომ რაიონში ცუდი ამინდი იყო, რის გამოც რეისი შეყოვნებით გაფრინდა.
კომენტარები