უკრაინაში მიღებულმა ახალმა კანონმა, რომელიც ორი ანტიკორუფციული უწყების დამოუკიდებლობას ძირს უთხრის, ძალიან აღაშფოთა ევროკომისია. სტატიას ამ შინაარსით Euronews-ი ავრცელებს.
ტელეარხის ცნობით, უკანასკნელი სამი წლის განმავლობაში ევროკავშირი რუსეთთან ბრძოლაში უკრაინის მიმართ მის ყოვლისმომცველ და ურყევ მხარდაჭერას ადასტურებდა. ეს უბრალოდ სიტყვები არ იყო. ევროკავშირი კიევს ფინანსურ და სამხედრო მხარდაჭერას უცხადებდა, ეხმარებოდა უკრაინას ტყვია-წამლითა და შეიარაღებით, ენერგეტიკული უსაფრთხოების საკითხებში თანამშრომლობდა და დევნილებს დროულად ეხმარებოდა.
ევროკავშირის მიერ შემუშავებულ შვიდწლიან ბიუჯეტში უკრაინის დახმარებისა და გრძელვადიანი აღდგენისთვის 100 მილიარდი ევროს მოცულობის სპეციალური ცალკე ფონდი იყო შექმნილი.
მაგრამ, როგორც Euronews-ი წერს, მიმდინარე კვირას ამ უძლეველმა ფრონტმა ბზარი გაიჩინა: ევროკომისიამ მკვეთრად გააკრიტიკა უკრაინის ახალი კანონი.
კანონის მიზანს, რომელიც პარლამენტმა ისეთი სისწრაფით დაამტკიცა, რომ ბრიუსელი მოუმზადებელი შეხვდა, წარმოადგენს ორი ანტიკორუფციული ორგანოს – უკრაინის ეროვნული ანტიკორუფციული ბიუროს და სპეციალიზირებული ანტიკორუფციული პროკურატურის – პრეზიდენტის მიერ დანიშნული გენერალური პროკურორისადმი დაქვემდებარებას გადაყვანას.
მიღებული კანონი ერთ-ერთმა პირველებმა ევროკომისიის პრეზიდენტმა, ურსულა ფონ დერ ლაიენმა და ევროკომისარმა გაფართოების საკითხებში, მარტა კოსმა გააკრიტიკეს.
Euronews-ის ცნობით, კორუფციასთან ბრძოლა ევროკავშირში უკრაინის გაერთიანების გზაზე ცენტრალურ ადგილს იკავებს. აღნიშნულ საკითხზე ანალიტიკოსებმა და რეპორტიორებმა ყურადღება გაამახვილეს მაშინ, როცა უკრაინის პრეზიდენტმა, ვოლოდიმირ ზელენსკიმ ომის დაწყებიდან რამდენიმე დღეში ევროკავშირში გაწევრიანებაზე განაცხადი შეიტანა.
„საბჭოთა კავშირის დაშლის შემდეგ კორუფცია იყო უკრაინის სამწუხარო პრობლემა, როცა ოლიგარქები და ორგანიზებული დანაშაულებრივი დაჯგუფებები, იხელთეს რა პოლიტიკური ქაოსით, სახელმწიფო ქონებას დაეუფლნენ“, – წერს ტელეარხი.
უკრაინაში კორუფციის შემთხვევები გამოვლენილია არჩევნებზე, სასამართლო სისტემაში, სახელმწიფო ორგანოებში, განათლების სფეროსა და ბიზნეს-სექტორში, რაც მის ფართო გავრცელების შთაბეჭდილებას ქმნის, წერს Euronews-ი.