მოლდოვის ოპოზიციის ლიდერი ალექსეი ლუნგუ საზოგადოებრივი წესრიგის დარღვევისა და პოლიციის შეურაცხყოფის ბრალდებით დააკავეს. საქმე ეხება კიშინიოვის სააპელაციო სასამართლოსთან მომხდარი ინციდენტს. მომხდარზე დაწყებულია გამოძიება.
გამოძიების დაწყების ფაქტი პოლიციის გენერალური ინსპექციის კომუნიკაციებისა და პროტოკოლის დეპარტამენტის უფროსმა, დიანა ფეცკომ მედიას დაუდასტურა.
ასევე დაკავებულია ორი აქტივისტი – ალექსანდრე პანოვი და ივან გუჩი.
დაკავების დროს, პარტია “შანსის” ლიდერმა განაცხადა, რომ თავს ცუდად გრძნობდა და ადგილზე სასწრაფო დახმარების მანქანა გამოიძახეს. ის საავადმყოფოში გადაიყვანეს, სადაც გაწერის შემდეგ მას პოლიციის თანამშრომლები დახვდნენ, თუმცა, მან უარი თქვა სამართალდამცავებთან თანამშრომლობაზე.
30 ივლისს, 14:00 საათზე, ლუნგუ პოლიციაში დაიბარეს, რათა მის წინააღმდეგ წაყენებულ ბრალდებებთან დაკავშირებით ჩვენება მისცეს.