ტაილანდისა და კამბოჯის ლიდერები მოლაპარაკებებისთვის მალაიზიაში მიემართებიან. სამშვიდობო მოლაპარაკებებს მალაიზიის პრემიერ-მინისტრი ანვარ იბრაჰიმი უხელმძღვანელებს. სწორედ მან შესთავაზა მხარეებს მალაიზიაში ჩასვლა. ადგილზე ასევე არიან აშშ-ის წარმომადგენლები.
„გვინდა ეს კონფლიქტი რაც შეიძლება სწრაფად დასრულდეს. სახელმწიფო დეპარტამენტის წარმომადგენლები მალაიზიაში არიან, რათა მხარეებს სამშვიდობო მოლაპარაკებებში დაეხმარონ“, – დაწერა აშშ-ის სახელმწიფო მდივანმა მარკო რუბიომ.
ტაილანდსა და კამბოჯას შორის საზღვარზე ბრძოლები ხუთშაბათს დაიწყო, მას შემდეგ რაც ორი ტაილანდელი ჯარისკაცი ნაღმის აფეთქების შედეგად დაიღუპა. ოფიციალური ბანგკოკი ამტკიცებს, რომ ნაღმი კამბოჯელების მიერ იყო დამონტაჟებული. კონფლიქტს უკვე 30-ზე მეტი ადამიანი ემსხვერპლა, მათ შორი 20 მშვიდობიანი მოქალაქე.