თურქეთში ტყის ხანძრის შედეგად დაღუპულთა რაოდენობა 17-მდე გაიზარდა.
როგორც „ასოშიეთედ პრესი“ წერს, დაღუპულთა შორის არიან მეხანძრე-მაშველები, რომლებიც ქვეყნის ჩრდილო-დასავლეთ ნაწილში მდებარე ქალაქ ბურსაში ხანძრის ქრობის ოპერაციაში მონაწილეობდნენ.
ქალაქ ბურსას სიახლოვეს ხანძარი უქმე დღეებში გაჩნდა და 3 500 ადამიანის ევაკუაცია გახდა საჭირო.
ცნობისთვის, 25 ივლისს ხანძარი გაჩნდა თურქეთის ხმელთაშუა ზღვის სანაპიროზე, რის გამოც მთავრობამ ორი პროვინცია, იზმირი და ბილეჩიკი სტიქიური უბედურების ზონად გამოაცხადა, ხანძარი იყო ასევე ანტალიის პროვინციაში.
კომენტარები