გერმანიის კანცლერმა, ფრიდრის მერცმა უშიშროების საბჭოს სხდომის დასრულების შემდეგ განაცხადა, რომ ოფიციალური ბერლინი იორდანიასთან ერთად ღაზის სექტორში ჰუმანიტარული დახმარების მიწოდებისთვის საჰაერო ხიდს შექმნის. ინფორმაციას Bild-ი ავრცელებს.
„ჩვენ გვსურს, რაც შეიძლება სწრაფად დავასრულოთ ღაზის მოსახლეობის ტანჯვა“, – აღნიშნა მერცმა.
გერმანიის მთავრობის ხელმძღვანელის განცხადებით, საჰაერო ხიდის შექმნის იდეას მხარს საფრანგეთი და დიდი ბრიტანეთის უჭერენ. მოქმედებებს კოორდინაციას გერმანიის თავდაცვის მინისტრი, ბორის პისტორიუსი გაუწევს.
გერმანიის საგარეო საქმეთა მინისტრის, იოჰან ვადეფულის განცხადებით, ოპერაციაში ბუნდესვერი A400M ტიპის სატრანსპორტო თვითმფრინავებს ჩართავს. მათ მალე იორდანიაში გადაისვრიან.
ამასთან ერთად, მერცი ფიქრობს, რომ საჭიროა ყველა არხის გამოყენება, რათა დაჯგუფება „ჰამასზე“ ზეწოლა გაძლიერდეს, რომ მან ცეცხლი შეწყვიტოს და 2023 წლის 7 ოქტომბერს გატაცებული ადამიანები გაათავისუფლოს.
„ეჭვგარეშეა, რომ 2023 წლის 7 ოქტომბერს „ჰამასის“ მიერ ჩადენილმა სასტიკმა და არაადამიანურმა ტერორმა ღაზაში საბრძოლო მოქმედებებს დასაბამი დაუდო“, – დასძინა მერცმა.