2011 წლის 26 მაისის აქციის დარბევის შემდეგ, თავისუფლების მოედანზე მდებარე ჯიხურის სახურავზე ნიკა კვინტრაძის და სულიკო ასათიანის ცხედრები აღმოაჩინეს. სამართალდამცველებმა მაშინ განაცხადეს, რომ მათი გარდაცვალება სახურავზე გამავალმა ელექტროგაყვანილობამ გამოიწვია, თუმცა, ჯიხურის მეპატრონე ოლეგ ჟვანია, იხსენებს, თუ როგორ სთხოვდნენ მას ეთქვა, თითქოს კვინტრაძე და ასათიანი დენის დარტყმის შედეგად გარდაიცვალნენ, მისივე თქმით, დაჰპირდნენ, რომ მის ჩვენებას გაამყარებდნენ თელასის თანამშრომლებიც, რომლებიც დაადასტურებდნენ, რომ ელექტროსადენი ნამდვილად დაზიანებული იყო და ამის შესახებ თითქოს თელასშიც ჰქონდა გაცხადებული “მარკეტზე შეაგდეს ორი მიცვალებული და მთხოვდნენ მეთქვა, თითქოს ისინი ჩემი ფართობიდან გამომავალმა ელექტროსადენმა იმსხვერპლა, სიტყვა-სიტყვით ვიმეორებ “ეს ჩირქი მთავრობამ ხომ არ უნდა ჩამოიკიდოსო, თქვენ თავზე აიღეთ, არაფერი არ მოგივათ, იმიტომ, რომ მოყვანილი გვყავს თელასის ორი თანამშრომელი, რომელიც დაგიდასტურებთ, რომ ელექტროსადენი გაუმართავი იყოო”- განაცხადა ჯიხურის მეპატრონე ოლეგ ჟვანიამ.
მთხოვდნენ მეთქვა, თითქოს ისინი ელექტროსადენმა იმსხვერპლა”
2017/05/21 22:15:19
ნანახია: 2191 ჯერ