აშშ და ნატო უკრაინისთვის სამხედრო დახმარების მიწოდების ახალ მექანიზმს განიხილავენ, რომელიც ალიანსის ევროპელი წევრების მიერ შეიარაღების შესყიდვაზე იქნება დაფუძნებული. ინფორმაციას Reuters-ი ავრცელებს.
სააგენტოს ცნობით, ნატოს ქვეყნები, აშშ და აგრეთვე უკრაინა ახალ მექანიზმს ამუშავებენ, რომელიც უკრაინისთვის პრიორიტეტული შეიარაღების მიწოდებაზე იქნება ორიენტირებული.
სავარაუდოდ უკრაინა თავად განსაზღვრავს მისთვის პრიორიტეტულ შეიარაღებას ერთი ტრანშის საერთო ღირებულებით 500 მილიონი დოლარი, ხოლო ამის შემდეგ ნატოს მოკავშირეები, რომლებსაც ალიანსის გენერალური მდივანი, მარკ რუტე გაუწევს კოორდინაციას, ერთმანეთში მოილაპარაკებენ, ვინ რა შეიარაღებას იყიდის და მიაწვდის კიევს.
Reuters-ი აღნიშნავს, რომ ასეთი ახალი მიდგომით ნატოს იმედი აქვს, რომ უკრაინას 10 მილიარდი დოლარის შეიარაღებას მიაწვდის.