თურქეთმა რუსეთის მოქალაქე სატვირთო ავტომობილების მძღოლებისთვის სავიზო რეჟიმი დააწესა.
თურქეთის „ტვირთების გადამტანთა საერთაშორისო ასოციაციის“ ხელმძღვანელი აცხადებს, რომ აღნიშნული ნაბიჯი დაკავშირებულია იმ პრობლემებთან, რომელსაც თურქი მძღოლები რუსეთში აწყდებიან.
ანკარაში ამბობენ, რომ მოსკოვმა თურქული ტვირთების გადატანაზე მკაცრი შეზღუდვები დააწესა, რის გამოც თურქ მძღოლებს ალტერნატიული გზების მოძებნა კასპიის ზღვის გავლით უწევთ.
რუსეთსა და თურქეთს შორის ურთიერთობები მას შემდეგ გამწვავდა, რაც თურქეთის ავიაციამ 2015 წელს სირიის საზღვართან რუსული ბომბდამშენი ჩამოაგდო.
კომენტარები