დიდ ბრიტანეთში დღეს აშშ-ის, უკრაინისა და ევროპელი პარტნიორების შეხვედრა გაიმართება.
როგორც „ბიბისი“ წერს, შეხვედრას დიდი ბრიტანეთის საგარეო საქმეთა მინისტრი დევიდ ლემი და აშშ-ის ვიცე-პრეზიდენტი ჯეი დი ვენსი უხელმძღვანელებენ.
შეხვედრა კენტში, დიდი ბრიტანეთის საგარეო საქმეთა მინისტრის ოფიციალურ რეზიდენციაში გაიმართება, სადაც ამჟამად ჯეი დი ვენსი და მისი ოჯახი იმყოფებიან.
დიდი ბრიტანეთის პრემიერ-მინისტრის პრესსპიკერის განცხადებით, კირ სტარმერმა დღეს დილით ვოლოდიმირ ზელენსკისთან შესაძლო შეხვედრა განიხილა.
„ლიდერები შეთანხმდნენ, რომ ეს სასიცოცხლოდ მნიშვნელოვანი ფორუმი იქნებოდა სამართლიანი და მდგრადი მშვიდობის უზრუნველყოფისკენ მიმავალი პროგრესის განსახილველად. ორივე ლიდერი მიესალმა პრეზიდენტ ტრამპის სურვილს, დაასრულოს ეს ომი“, – განაცხადა პრესსპიკერმა.