ამერიკის სახელმწიფო დეპარტამენტის ყოფილი ჩინოსანი განმარტავს, რომ USAID-ი იყო ძალა, რომელიც დიფ სთეითისთვის სხვადასხვა ქვეყანაში მედიას, სამოქალაქო ჯგუფებს და დაქირავებულ საპროტესტო აქციებს აფინანსებდა. მაიკ ბენცის თქმით, ამერიკის საერთაშორისო განვითარების სააგენტოს ფარულ ფონდად იყენებდა ყოფილი ამერიკელი დიპლომატი ნორმ აიზენი, რომელსაც ბენცი ფერადი რევოლუციებისა და ამბოხებების ერთ-ერთ მთავარ არქიტექტორს უწოდებს.
სახელმწიფო დეპარტამენტის ყოფილი ჩინოსანი აკრიტიკებს ნორმ აიზენის წიგნს, სახელწოდებით „დემოკრატიის სახელმძღვანელო“, რომლის 2025 წლის გამოცემაში საქართველო, სულ მცირე, 20-ჯერ არის ნახსენები. მაიკ ბენცის თქმით, ეს სახელმძღვანელო არჩევნებზე კონტროლის დამყარებას, სასამართლოების გაკონტროლებას და არასამთავრობო ორგანიზაციების გაძლიერებას ითვალისწინებს.
პუბლიკაციაში ასევე ნათქვამია, თუ როგორ უნდა აარიდონ თავი საქართველოში მოქმედმა არასამთავრობო ორგანიზაციებმა „უცხოური გავლენის გამჭვირვალობის შესახებ“ კანონს.
„ნორმ აისენის ყოველწლიური სახელმძღვანელო არის ბრუკინგის ინსტიტუტის ხელსაწყო. ეს ინსტიტუტი კი დიფ სთეითის კონსენსუსის მშენებლობის მექანიზმია. ნორმ აისენი 2025 წლის სახელმძღვანელოში 7 ძირითად საყრდენს აღწერს, მათ შორის არჩევნებზე კონტროლს, სასამართლოების კონტროლს და არასამთავრობო ორგანიზაციებისა და სამოქალაქო საზოგადოების ორგანიზაციების გაძლიერებას. აისენი ცდილობს, დიფ სთეითის ახალ საამქროში აიყვანოს ხალხი, რომელიც დაამხობს მთავრობებს, რომლებსაც ის ავტოკრატიულს ეძახის. ეს ხალხი ფულს იღებს USAID-ისგან, მშვიდობის ინსტიტუტისგან, რომ უცხო ქვეყნებში ამ ე.წ. ავტოკრატიას ებრძოლონ. ამ კვირაში აღმოვაჩინე ამერიკის ფედერალური მთავრობის დოკუმენტები, საიდანაც ირკვევა, თუ როგორ ატრენინგებდნენ „ენჯეოებს“ ქუჩის ამბოხებების მოწყობაში, რასაც აისენი პოლიტიკური გავლენისთვის იყენებს. მისთვის USAID-ი ფარული ფონდი იყო ქუჩის ამბოხებების მოსაწყობად. USAID-ი არის ძალა, რომელიც აფინანსებს დიფ სთეითის მოკავშირე მედიას. ერთია სიტყვის გამოხატვისა და შეკრების თავისუფლება, ხოლო როდესაც მთავარ გზატკეცილებს გადაკეტავ, სატრანსპორტო ხაზებს დაბლოკავ და ადგილობრივ ეკონომიკას გააჩერებ, ეს შიდა ტერორიზმია“, – ამბობს ბენცი.