აშშ-ის პრეზიდენტმა, დონალდ ტრამპმა თავის სოციალურ ქსელში სომხეთის პრემიერ-მინისტრს, ნიკოლ ფაშინიანს და აზერბაიჯანის პრეზიდენტს, ილჰამ ალიევს კარგი მეგობრები უწოდა.
თეთრი სახლის ლიდერი 8 აგვისტოს ვაშინგტონში სომხეთისა და აზერბაიჯანის ლიდერების მიერ გაფორმებულ სამშვიდობო დეკლარაციას კიდევ ერთხელ გამოეხმაურა და ის დადებითად შეაფასა.
„დიდი პატივია, ვიმყოფებოდე სომხეთის პრემიერ-მინისტრთან, ნიკოლ ფაშინიანთან და აზერბაიჯანის პრეზიდენტთან, ილჰამ ალიევთან. ხელი მოვაწერეთ სამშვიდობო შეთანხმებას ომისა და სიკვდილის შემდეგ, რომელიც ათწლეულები გრძელდებოდა. ორი შესანიშნავი ადამიანი, დიდი ლიდერი. ახლა ისინი ჩემი კარგი მეგობრები არიან!“, – დაწერა ტრამპმა.
კომენტარები