პოლიციას ახლა ნებართვა აქვს, გააკეთონ, რაც სურთ, – ამის შესახებ აშშ-ის პრეზიდენტმა, დონალდ ტრამპმა განაცხადა.
ტრამპმა ვაშინგტონში „საზოგადოებრივი უსაფრთხოების საგანგებო მდგომარეობა“ გამოაცხადა.
თეთრ სახლში გამართულ ბრიფინგზე აშშ-ის პრეზიდენტმა პოლიციელების მიმართ ძალადობაზე ისაუბრა.
„მათ უყვართ პოლიციისთვის სახეში შეფურთხება, სახიდან ერთი სანტიმეტრის მოშორებით დგანან და უყვირიან, შემდეგ სახეში შეფურთხებას იწყებენ. მე ვუთხარი, უთხარით: „თუ თქვენ შეგვაფურთხებთ, ჩვენ დაგარტყამთ“. მათ შეუძლიათ ძალიან ძლიერად დარტყმა. ეს ამაზრზენია. წლებია, ამას ვუყურებ. სამი ან ოთხი წელია, ვუყურებ. პოლიცია იქაა და მათ ეუბნებიან: „არავითარ შემთხვევაში არაფერი გააკეთოთ“. ისინი იქ დგანან და ხალხი სახეში აფურთხებს და არაფრის გაკეთების უფლება არ აქვთ. მაგრამ ახლა მათ უფლება აქვთ, გააკეთონ ის, რაც უნდათ“, – განაცხადა ტრამპმა.