რუსეთში, სტავროპოლის მხარეში მდებარე ქარხანა „მონოკრისტალზე“ და ორენბურგში განალაგებულ ჰელიუმის ქარხანაზე დრონებით იერიში განხორციელდა. როგორ რუსული ტელეგრამარხები იუწყებიან, დრონების თავდასხმა 12 აგვისტოს ღამით მოხდა.
თვითმხილველები ავრცელებენ ვიდეოს, სადაც ქარხნის ტერიტორიის სიახლოევს კვამლი ჩანს. როგორც მედია წერს, ქარხანა „მონოკრისტალი“ სინთეტიკურ საფირონს აწარმოებს, რომელიც გამოიყენება ოპტიკური ხელსაწყოებში. ადგილობრივი ხელისუფლება აცხადებს, რომ დრონების თავდასხმა საჰაერო თავდაცვის ძალებმა მოიგერიეს და შეტევის შედეგად არავინ დაშავებულა.
ცნობისთვის, 12 აგვისტოს დილით, რუსეთის თავდაცვის სამინისტრომ განაცხადა, რომ გასული ღამის განმავლობაში რუსეთის საჰაერო თავდაცვის ძალებმა 25 უკრაინული დრონი გაანადგურეს. მათ შორის 22 უპილოტო ჩამოგდებულია როსტოვის ოლქში, 3 სტავროპოლის მხარეში. რომელი ობიექტები გახდა ამ იერიშის სამიზნე, რუსეთის თავდაცვის უწყებაში არ აკონკრეტებენ.
ამასთან, უკრაინული მედია იუწყება, რომ უკრაინამ დრონებით შეტევა ასევე მიიტანა ორენბირგში მდებარე ჰელიუმის ქარხანაზეც. ეს გახლავთ ერთადერთი ასეთი საწარმო რუსეთში, რომელიც ჰელიუმს აწარმოებს. ის გამოიყენება რაკეტების წარმოებაში. ადგილობრივ ხელისუფლებას ჯერ ქარხანაზე დარტყმა არ დაუდასტურებია.