პაკისტანში, მეწყერმა 7 მოხალისე იმსხვერპლა, რომლებიც ჩრდილოეთ პაკისტანში წყალდიდობის შედეგად დაზიანებული სადრენაჟე არხის შეკეთებას ცდილობდნენ. შემთხვევის შედეგად კიდევ სამი ადამიანი დაშავდა. ინფორმაციას abcnews-ი ავრცელებს.
მედიის ცნობით, დაღუპულები მოხალისეები იყვნენ.
რეგიონული მთავრობის წარმომადგენელმა, ფაიზულაჰ ფარაკმა, განაცხადა, რომ მაშველებმა გამთენიისას გილგიტ-ბალტისტანის ქალაქ დანიორში მეწყერის შედეგად დაღუპულთა ცხედრები იპოვეს, დაშავებულები კი საავადმყოფოში გადაიყვანეს.
ინციდენტი მას შემდეგ მოხდა, რაც მყინვარული ტბის კალაპოტის გარღვევის შედეგად გამოწვეულმა წყალდიდობამ, დანიორში გამავალი კარაკორამის საკვანძო გზატკეცილი დააზიანა, რამაც პაკისტანსა და ჩინეთს შორის მოძრაობა და ვაჭრობა შეაფერხა. ფარაკის თქმით, დაზიანებული გზის შეკეთების დასაწყებად რეგიონში ინჟინრები, მუშები და მძიმე ტექნიკაა მობილიზებული.