აშშ-ის პრეზიდენტი დონალდ ტრამპი შიშობდა, რომ უკრაინის პრეზიდენტის ვოლოდიმირ ზელენსკის მონაწილეობის შემთხვევაში რუსეთის პრეზიდენტთან ვლადიმერ პუტინთან ალასკაზე დაგეგმილი სამიტი ჩაიშლებოდა. ინფორმაციას The Wall Street Journal-ი ავრცელებს.
გამოცემის ინფორმაციით, თავდაპირველად ევროპელი ჩინოვნიკები ცდილობდნენ, რომ ალასკას სამიტს ევროპისა და კიევის წარმომადგენლები დასწრებოდნენ, საამისოდ მათ ნატოს გენმდივნის მარკ რუტეს და ზელენსკის კანდიდატურები შესთავაზეს.
მაგრამ, როგორც The Wall Street Journal-ი წერს, 13 აგვისტოს ტრამპისა და გერმანიის კანცლერის ფრიდრიხ მერცის სატელეფონო საუბრის შემდეგ ევროპელებმა ამ გეგმაზე უარი თქვეს, რადგან ამერიკის პრეზიდენტი შიშობდა, რომ ზელენსკის მონაწილეობის შემთხვევაში სამიტის შედეგები არასახარბიელო იქნებოდა.
კომენტარები