საპარლამენტო პოლიტიკური ჯგუფის „ხალხის ძალის“ თავმჯდომარე დიმიტრი ხუნდაძე ძლიერი ინსტიტუტების ინდექსის მიხედვით საქართველოს წარმატებულ რეიტინგს მედიასთან ეხმიანება.
დეპუტატის თქმით, საერთაშორისო რეიტინგებში საქართველოს წარმატებული შედეგები მეტყველებს იმაზე, თუ რა ხდება ქვეყანაში რეალურად და კიდევ ერთხელ ადასტურებს იმ ფაქტს, რომ ფსევდოლიბერალების მხრიდან ხელისუფლებასა და სახელმწიფოზე თავდასხმა უარგუმენტოა.
„ეს არ არის საქართველოს პირველი წარმატებული რეიტინგი. ხედავთ, რომ ფსევდოლიბერალების მხრიდან ზეპირსიტყვიერი განცხადებებით წუნი ედება საქართველოს მოქმედ ხელისუფლებას და რეიტინგებში, პრაქტიკულად ყველგან არის წინსვლა. ვფიქრობ, რომ ესეც კარგი ინდიკატორია იმისა, თუ რა ხდება რეალურად და რა განცხადებებით ებრძვიან ხელისუფლებას და საქართველოს“, – განაცხადა დიმიტრი ხუნდაძემ.