ესპანეთში მასშტაბურ ხანძრებს ებრძვიან. სტიქიას ქვეყნის მასშტაბით შვიდი ადამიანი ემსხვერპლა.
ესპანეთის საგანგებო სიტუაციების სამსახურის ცნობით, ვითარებას თითქმის ორკვირიანი სიცხე და სამხრეთის ქარი აუარესებს. ხანძრებმა ესპანეთში 150 ათასი ჰექტარი ტერიტორია გაანადგურა, რაც თითქმის ორჯერ აღემატება წლიურ საშუალო მაჩვენებელს.
ესპანეთის ეროვნულმა მეტეოროლოგიურმა სააგენტომ ქვეყნის ჩრდილოეთ და დასავლეთ ნაწილში ხანძრის უკიდურესი საფრთხის შესახებ გაავრცელა განცხადება, რადგან ჩრდილოეთ სანაპიროზე ტემპერატურა, სავარაუდოდ, ცელსიუსით 40 გრადუს მიაღწევს, რაც ხანძარს კიდევ უფრო გაამწვავებს.
კომენტარები