2 დღის განმავლობაში პაკისტანში წყალდიდობის შედეგად სულ მცირე 307 ადამიანი დაიღუპა. ინფორმაციას Reuters-ი ადგილობრივ ხელისუფლებაზე დაყრდნობით ავრცელებს.
გამოცემის ინფორმაციით, ძლიერი ზიანი მიადგა ინფრასტრუქტურას, დანგრეულია კერძო სახლები და სამეურნეო ლოკაციები. ძლიერმა წვიმამ მეწყერებიც გამოიწვია.
დაზარალებული რაიონებიდან 4 ათასამდე ადამიანია ევაკუირებული. ადგილზე 2 ათასზე მეტი მაშველი მუშაობას – ისინი ასობით ადამიანს ეძებენ, რომლებიც ამ დრომდე დაკარგულებად ითვლებიან.
კომენტარები