დიდი ბრიტანეთის პრემიერ-მინისტრი, კირ სტარმერი მზად არის, უკრაინის სამშვიდობო შეთანხმებას მხარი დაუჭიროს ცეცხლის შეწყვეტის გარეშე. ინფორმაციას ამის შესახებ უკრაინული მედია ავრცელებს.
„ჩვენ ყოველთვის ვამბობდით, რომ გვინდა უკრაინაში ვიხილოთ მდგრადი და სამართლიანი მშვიდობა. ისეთი მშვიდობა, რომელიც ევროპას დაუბრუნებს სიმშვიდეს და უკრაინელ ხალხს ახალი თავდასხმების შიშის გარეშე ცხოვრების საშუალებას მისცემს, და შეთანხმება, რომელიც ამ ყველაფერს რაც შეიძლება მალე მოიტანს“, – აღნიშნა დიდი ბრიტანეთის პრემიერის წარმომადგენელმა.
ამასთან, პოტენციურმა შეთანხმებამ უნდა შეაჩეროს მკვლელობები და მიღწეული შედეგი უნდა გარდაიქმნას მტკიცე მშვიდობაში, რომელიც უსაფრთხოების გარანტიებით იქნება გამყარებული, რაც მნიშვნელოვანი პოზიტიური ნაბიჯი იქნებოდა – დასძინა სტარმერის წარმომადგენელმა.