ისრაელის თავდაცვის ძალების განცხადებით, ისრაელი უახლოეს კვირებში დაახლოებით 60 000 რეზერვისტს გამოიძახებს.
„ოპერაცია „გედეონის ეტლების“ შემდეგი ფაზისთვის მზადების ფარგლებში, დღეს დილით დაახლოებით 60 000 რეზერვისტის გამოძახების ბრძანება გაიცა. გარდა ამისა, 20 000 რეზერვისტს, რომლებიც უკვე გაწვეულები არიან, სამსახურის ვადის გაგრძელების შესახებ შეტყობინება გაეგზავნებათ.
რეზერვისტების გამოძახების გადაწყვეტილება ბრძოლის გასაგრძელებლად საჭირო ადამიანური რესურსის ოდენობის შესახებ სიღრმისეული განხილვის შემდეგ მივიღეთ. საბოლოოდ, გადაწყვეტილება თავდაცვის მინისტრმა დაამტკიცა მას შემდეგ, რაც მას ყველა შესაძლო შედეგი წარუდგინეს.
ისრაელის თავდაცვის ძალები აფასებს რეზერვისტების როლს, მადლიერებას გამოხატავს მათ მიერ ისრაელის სახელმწიფოს უსაფრთხოებაში შეტანილი წვლილისთვის“, – ნათქვამია განცხადებაში.