მოლდოვურმა კვლევითმა ორგანიზაციამ iData-მ სოციოლოგიური გამოკითხვა ჩაატარა, რომლის მიხედვითაც გამოკითხულთა 59,3% ქვეყნის ნატოში გაწევრიანების წინააღმდეგია. ინფორმაციას მოლდოვური მედია ავრცელებს.
კითხვაზე „მოლდოვის ნატოში გაწევრიანებას მხარს უჭერთ, თუ არა?“, 30,8%-მა დადებითი პასუხი გასცა. კიდევ 9,9%-მა განაცხადა, რომ არ იცის ან პასუხი არ აქვს.
კომპანიამ გამოკითხვა 7-16 აგვისტოს ჩაატარა. მასში მონაწილეობა 1 071 ადამიანმა მიიღო. ცდომილება 2,9% შეადგენს.
კომენტარები