უკრაინის პრეზიდენტი ვოლოდიმირ ზელენსკი ქვეყანაში რუსეთთან ომის პირობებში საპრეზიდენტო არჩევნების ჩატარების თემას გამოეხმაურა და აღნიშნა, მოხარული იქნებოდა, არჩევნები რომ უკვე გამართულიყო.
„მოხარული ვიქნებოდი, არჩევნები, რომ უკვე ჩატარებულიყო. ეს თემაც დასრულდებოდა“, – თქვა ზელენსკიმ.
მისი თქმით, არჩევნების თემა „არაფერს იძლევა, ფიზიკური დაპირისპირების, პოლიტიკური მოწოდებების, პლაკატებისა და მრავალი სხვა რაღაცის გარდა“.
„მთავარია, რომ მათ ომის დასრულების საშუალება მომცენ და არ გაყონ ქვეყანა ორად მანამდე. ეს ერთადერთი თხოვნაა ყველასადმი“, – დასძინა უკრაინის ლიდერმა.
კომენტარები