ნიუ იორკის სააპელაციო სასამართლომ გააუქმა 500 მილიონი დოლარის ჯარიმა, რომელიც აშშ-ის პრეზიდენტს, დონალდ ტრამპს თაღლითობის საქმეზე ჰქონდა დაკისრებული. ამის შესახებ „ბიბისი“ წერს.
ტრამპს ბრალად ედებოდა თავისი კომპანიის უძრავი ქონების ღირებულების ხელოვნურად გაზარდა, რათა ბანკებიდან ხელსაყრელი პირობებით სესხი აეღო. მაგალითად, მისი „ტრამპ თაუერის“ პენტჰაუსის ფართობზე თითქმის სამჯერ მეტი რიცხვი იყო მითითებული, ვიდრე რეალურად გახლდათ. სასამართლომ განაცხადა, რომ მიუხედავად იმისა, რომ ტრამპი ნამდვილად დამნაშავეა თაღლითობაში, 500 მილიონი დოლარის ჯარიმა ზედმეტად მძიმე სასჯელია.
სასამართლოს გადაწყვეტილებით, ჯარიმა გაუქმდა, თუმცა სხვა შეზღუდვები კვლავ ძალაშია. კერძოდ, ტრამპი სამი წლის განმავლობაში ვერ იქნება კომპანიის დირექტორი და ვერ აიღებს სესხებს ნიუ იორკის ბანკებიდან.
ტრამპმა ეს გადაწყვეტილება „სრულ გამარჯვებად“ შეაფასა.
„მე ძალიან ვაფასებ იმას, რომ სასამართლოს ჰქონდა გამბედაობა, გაეუქმებინა ეს უკანონო და სამარცხვინო გადაწყვეტილება, რომელიც ზიანს აყენებდა ბიზნესს მთელ ნიუ იორკის შტატში“, – განაცხადა ტრამპმა.