ისრაელის თავდაცვის მინისტრი ისრაელ კაცი აცხადებს, რომ დაამტკიცა გეგმა ქალაქ ღაზაზე კონტროლის დამყარების შესახებ.
„ღაზაში „ჰამასის“ მკვლელებისა და მოძალადეებისთვის ჯოჯოხეთის კარიბჭე მალე გაიღება, თუ ისინი არ დათანხმდებიან ისრაელის პირობებს ომის დასრულების შესახებ. უპირველესად, ყველა მძევლის გათავისუფლებას და განიარაღებას“, – განაცხადა ისრაელ კაცმა.
ისრაელის თავდაცვის მინისტრის თქმით, თუ „ჰამასი“ არ დანებდება, ქალაქი ღაზა რაფაჰი და ბეით ჰანუნი გახდება. ეს ის ორი ქალაქია, რომლებიც ისრაელის დაბომბვის შედეგად ნანგრევებად იქცა.
ცნობისთვის, ისრაელის პრემიერ-მინისტრმა, ბენიამინ ნეთანიაჰუმ ყველა მძევლის გათავისუფლებისა და ომის ისრაელისთვის მისაღები პირობებით დასრულების შესახებ დაუყოვნებელი მოლაპარაკებების დაწყების შესახებ ბრძანება გასცა.
კომენტარები