მალაიზიის საჰაერო ძალების, ამერიკული წარმოების F/A-18D Hornet-ის ტიპის მოიერიშე გამანადგურებელ თვითმფრინავს ცეცხლი გაუჩნდა. ინციდენტი “კუანტანის” საჰაერო ბაზიდან აფრენის დროს მოხდა.
მედიის ცნობით, ორივე პილოტმა კატაპულტირება მოახერხა, რის შემდეგაც თვითმფრინავი ჩამოვარდა და დაიწვა. პილოტების სიცოცხლეს საფრთხე არ ემუქრება, მათი მდგომარეობა სტაბილურია და კლინიკაში განაგრძობენ მკურნალობას.
მალაიზიის საჰაერო ძალებს, ამჟამად, F/A-18D Hornet-ის ტიპის რვა თვითმფრინავი ჰყავს, რომლებიც 1997 წელს მიიღეს.
კომენტარები