ამერიკის შეერთებული შტატების პრეზიდენტმა, დონალდ ტრამპმა განაცხადა, რომ FBI-ის მიერ მისი ყოფილი მრჩევლის, ჯონ ბოლტონის სახლში ჩატარებული ჩხრეკის შესახებ „არაფერი იცის“.
„არაფერი ვიცი ამის შესახებ, ეს [ინფორმაცია] დილით ვნახე, მათ რეიდი ჩაატარეს“, – განუცხადა ტრამპმა ჟურნალისტებს.
„ის მართლა დაბალი ღირებულების ადამიანია. […] ბოლტონს ყოველთვის უნდა ადამიანების მოკვლა, და ის ძალიან ცუდია თავის საქმეში, მაგრამ ჩემთან მუშაობა მშვენივრად გამოუვიდა“, – დასძინა მან.
ჩხრეკა ბოლტონის მერილენდში მდებარე სახლში ჩატარდა. გავრცელებული ინფორმაციით, ბოლტონი ეროვნული უსაფრთხოების სფეროში მიმდინარე გამოძიების ფიგურანტია.
კომენტარები