ისრაელის მიერ იემენის დედაქალაქ სანააზე თავდასხმის შედეგად, სულ მცირე, ოთხი ადამიანი დაიღუპა, დაახლოებით 67 კი დაშავდა. ამის შესახებ ინფორმაციას „როიტერი“ „ჰუსიტების“ წარმომადგენლებზე დაყრდნობით ავრცელებს.
ისრაელის თავდაცვის ძალების განცხადებაში აღნიშნულია, რომ ისრაელმა იემენში რამდენიმე სტრატეგიულ ობიექტზე იერიში მიიტანა.
„დარტყმები განხორციელდა „ჰუსიტების“ ტერორისტული რეჟიმის მიერ ისრაელისა და მისი მშვიდობიანი მოსახლეობის წინააღმდეგ განმეორებითი თავდასხმების საპასუხოდ, მათ შორის ბოლო დღეებში ისრაელის ტერიტორიის მიმართულებით რაკეტებისა და უპილოტო საფრენი აპარატების გაშვებაზე საპასუხოდ“, – ნათქვამია ისრაელის თავდაცვის ძალების განცხადებაში.
კომენტარები