თურქეთში მოკლული ქართველი ემიგრანტის ოჯახი თურქეთისა და საქართველოს ხელისუფლებას დახმარებას სთხოვს.
„თურქეთიდან ექსპერტიზის ფურცელი ჩამოგვივიდა, სადაც წერია, რომ ელენე მოკლულია. ელენე რომ მოკლულია, ამას ჩვენც კარგად ვხედავთ, მაგრამ ოჯახის კითხვები არის ის, რომ როგორ და რა ვითარებაში მოხდა ჩვენი გოგოს მკვლელობა. ქართულ და თურქულ მხარეს გამოძიების მეტად დაინტერესებისკენ მოვუწოდებთ“, – განუცხადა ჟურნალისტებს თამარ ლომჟაძემ.
თურქეთში, წამებით მოკლული 34 წლის ქართველი, ელენე გოქაძე, ზესტაფონის მუნიციპალიტეტის, სოფელ კვალითის მკვიდრი იყო. მკვლელობაში ბრალდებული მამაკაცი, თურქეთის შინაგან საქმეთა სამინისტრომ უკვე დააკავა.
კომენტარები