შინაგან საქმეთა მინისტრი გიორგი მღებრიშვილი სასაზღვრო პოლიციის უფროს ზურაბ გამეზარდაშვილთან ერთად თელავს ეწვია და წარმოდგენილი ვირტუალური უსაფრთხო ქალაქი დაათვალიერა.
„შინაგან საქმეთა სამინისტრომ გადავწყვიტეთ, თელავიდან მიგველოცა საქართველოსთვისეს დღე. ჩვენ რომ დღეს ვზეიმობთ, ამას ბევრი ჩვენი თანამოქალაქის სიცოცხლე და ჯანმრთელობა შეეწირა. მე ამაყი ვარ, რომ საქართველო დღევანდელ დღეს აღნიშნავს, მიუხედავად იმისა, რომ ჩვენი ქვეყნის დიდი ნაწილი წართმეული და ოკუპირებულია. მემჯერა, რომ საქართველო მალე გამთლიანდება. გამთლიანდება არა ომით და სისხლისღვრით, არამედ იმ სიყვარულის ნოსტალგიით, რომელიც არსებობს ქართველებს, აფხაზებსა და ოსებს შორის“, – განაცხადა გიორგი მღებრიშვილმა.
დღეს დილიდან თელავში წარმოდგენილია შს სამინისტროს და თავდაცვის სამინისტროს საგამოფენო პავილიონები. გამოფენილია სპეცტექნიკა, სამხედრო ტექნიკა და აღჭურვილობა. შს სამინისტროს გამოტანილი აქვს პროექტი „უსაფრთხო ქალაქი”, რომლის ფარგლებშიც ბავშვები აბარებენ იმიტირებულ მართვის მოწმობის თეორიულ და პრაქტიკულ გამოცდებს, რის შემდეგაც მათ სიმბოლური მართვის მოწმობები გადაეცემათ.