რუსეთის შორეულ აღმოსავლეთში, კამჩატკის ნახევარკუნძულზე 7,4 მაგნიტუდის მიწისძვრა დაფიქსირდა. ინფორმაციას რუსული მედია ავრცელებს.
მიწისძვრის ეპიცენტრი ქალაქ პეტროპავლოვსკ-კამჩატსკიდან 123 კილომეტრში იყო. სიღრმემ 46,8 კილომეტრი შეადგინა. მიწისქვეშა ბიძგები ქალაქში იგრძნობოდა.
მიწისძვრის გამო ცუნამის განგაში გამოცხადდა, თუმცა მოგვიანებით საფრთხე გააუქმეს. ადგილობრივი მცხოვრებლების ევაკუაცია არ განხორციელებულა.
კომენტარები