აშშ-ის ქალაქ ჩიკაგოში, უკანონო მიგრაციასთან ბრძოლის ფარგლებში მიმდინარე რეიდისას, სამართალდამცველმა მამაკაცი მოკლა. ინფორმაციას BBC ავრცელებს.
ინციდენტი მაშინ მოხდა, როცა საიმიგრაციო და საბაჟო პოლიციის თანამშრომლებმა შემოწმების მიზნით ავტომობილის გაჩერება სცადეს.
მძღოლმა სილვერიო ვილეგას-გონსალესმა დამორჩილების ნაცვლად, საჭე სამართალდამცველების მიმართულებით აიღო და დაჯახება სცადა.
მოგვიანებით გაირკვა, რომ მძღოლი შეერთებულ შტატებში არალეგალურად იმყოფებოდა.
ინციდენტისას ერთ-ერთი სამართალდამცველიც დაშავდა, თუმცა მისი ჯანმრთელობის მდგომარეობა ამ ეტაპზე დამაკმაყოფილებელია.
კომენტარები