აშშ-ის და ჩინეთის დელეგაციები ესპანეთში მოლაპარაკებებს გამართავენ. მადრიდში დაგეგმილ მოლაპარაკებებზე მხარეები სავაჭრო საკითხებს, ეროვნულ უსაფრთხოებას და ვიდეო აპლიკაცია „ტიკტოკის“ საკუთრების საკითხებს განიხილავენ.
აშშ-ის ფინანსთა მინისტრი სკოტ ბესენტიჩინეთის ვიცე-პრემიერს, ჰე ლიფენგს შეხვდება. აშშ-ის სავაჭრო წარმომადგენელი ჯემისონგრირი ასევე დაესწრება მაღალჩინოსნებს შორის ბოლო ოთხი თვის განმავლობაში მეოთხე მსგავს მოლაპარაკებებს.
მოლაპარაკებების სერია არის მცდელობა, თავიდან აიცილონ აშშ-ჩინეთის დაძაბული ურთიერთობების ნგრევა პრეზიდენტ დონალდ ტრამპის მიერ დაწესებული მძიმე ტარიფების გამო.
სამი მაღალი თანამდებობის პირი და ჩინეთის მთავარი სავაჭრო მომლაპარაკებელი ლი ჩენგანგი, ბოლოს სტოკჰოლმში ივლისში შეხვდნენ, სადაც პრინციპულად შეთანხმდნენ სავაჭრო ზავის 90 დღით გახანგრძლივებაზე.
მადრიდის მოლაპარაკებებამდე, ჩინეთმა გამოაცხადა ორი გამოძიების შესახებ, რომლებიც აშშ-ის ნახევარგამტარების სექტორს უკავშირდება.
პეკინში ვაჭრობის სამინისტრომ ანტიდემპინგური გამოძიება დაიწყო აშშ-დან იმპორტირებულ გარკვეულ ანალოგურ ინტეგრირებულ ჩიპებთანდაკავშირებით. ჩინეთის ვაჭრობის სამინისტრომ ასევე დაიწყო ანტიდისკრიმინაციული გამოძიება აშშ-ის მიერ ჩინეთის ჩიპების სექტორის წინააღმდეგ განხორციელებულ ზომებთან დაკავშირებით.
ჩინეთის გამოძიება მას შემდეგ დაიწყო, რაც აშშ-მ პარასკევს 23 ჩინური ფირმა შეიყვანა იმ ბიზნესების „სიაში“, რომლებსაც შეზღუდვები დაეკისრებათ აშშ-ის ეროვნული უსაფრთხოებისა და საგარეო პოლიტიკის ინტერესების წინააღმდეგ სავარაუდო ქმედებებისთვის.