მეუფე პეტრე ცაავა, მეუფე ანდრია გვაზავა და სასულიერო აკადემიის ლექტორები: თეიმურაზ ბუაძე და გოჩა ბარნოვი ილია მეორის გადაყენებას გეგმავენ – ამის შესახებ საპატრიარქოს იურისტმა ედიშერ ქარჩავამ განაცხადა. ედიშერ ქარჩავა, ე.წ “ციანიდის საქმის” უკანაც ამ ადამიანებს ასახელებს. მისივე თქმით, ჯგუფი ყველა ხერხით ცდილობს ილია მეორე ჩამოაცილოს ეკლესიის სათავეებს. როგორც ქარჩავა ამბობს, განცხადებების დამადასტურებელ ფაქტებს ჯერჯერობით არ გაასაჯაროებს.
“ახალი ამბების” ინფორმაციით, თეიმურაზ ბუაძე და გოჩა ბარნოვი კატეგორიულად უარყოფენ და აბსურდს უწოდებენ ედიშერ ქარჩავას მიერ გაჟღერებულ ბრალდებებს. მათივე განცხადებით, მათ არავითარი კავშირი არ აქვთ არც მეუფე პეტრე ცაავასთან და არც მეუფე ანდრიასთან, ასევე არც დედა სიდონიასთან, რომელიც ედიშერ ქარჩავამ ჯგუფის ერთ-ერთ წევრად დაასახელა.