რუსეთის შეიარაღებულმა ძალებმა გვიან ღამით უკრაინის მიმართულებით 86 უპილოტო საფრენი აპარატი და დრონი-იმიტატორი გაუშვა. ინფორმაციას უკრაინის შეიარაღებული ძალების საჰაერო ძალები ავრცელებს.
უკრაინული მხარის მიერ გავრცელებული ინფორმაციის თანახმად, რუსეთმა უკრაინის წინააღმდეგ „შაჰედის“ ტიპის დრონები გამოიყენა. რუსული უპილოტო საფრენი აპარატები უკრაინულ ტერიტორიას კურსკიდან, შატალოვოდან, მილეროვოდან, პრიმოსკ-ახტარსკიდან უტევდნენ.
უკრაინის საჰაერო ძალების ინფორმაციით, მათ მტრის 71 დრონის ჩამოგდება და განეიტრალება შეძლეს. დაფიქსირდა ექვს ლოკაციაზე 15 დრონის დაცემა.
კიევის მერის ვიტალი კლიჩკოს განცხადებით, უპილოტო საფრენი აპარატები უკრაინის დედაქალაქის თავზეც დააფიქსირეს. მის თქმით, ერთ-ერთი უპილოტო საფრენი აპარატი კიევის სოლომენის რაიონში ჩამოვარდა. ისმოდა აფეთქების ხმაც.