“ვინც გადაწყვეტს, ქვეყანა არიოს, ხალხს წაართვას არჩევანის უფლება და საკუთარი ანტიქართული და ანტიეროვნული პოლიტიკური მოსაზრებები მოახვიოს თავს, ბუნებრივია, სახელმწიფო ყველას სათანადო პასუხს გასცემს”, – ამის შესახებ, საუბრისას საპროცედურო საკითხთა და წესების საპარლამენტო კომიტეტის თავმჯდომარემ, დავით მათიკაშვილმა განაცხადა.
როგორც მან აღნიშნა, “მშვიდობიანი აქციები ტარდება მშვიდობიანად, ყოველგვარი ძალმომრეობისა და ძალადობის გარეშე, რასაც, ბუნებრივია, სამართალდამცავი ორგანოებიდან არ სჭირდება განსაკუთრებული პასუხის გაცემა”.
“როდესაც ვსაუბრობთ სპეცრაზმზე, ე.ი. ვსაუბრობთ იმაზე, რომ აპირებენ და ემზადებიან ძალმომრეობისთვის და ძალადობისთვის „კოლექტიური ნაცმოძრაობის“ წარმომადგენლები. არავის თითი არ გადაუცდეს. ვინც გადაწყვეტს ქვეყანა არიოს, ხალხს წაართვას არჩევანის უფლება და საკუთარი ანტიქართული და ანტიეროვნული პოლიტიკური მოსაზრებები მოახვიოს თავზე, ბუნებრივია, ყველას სახელმწიფო სათანადო პასუხს გასცემს“, – აღნიშნა მათიკაშვილმა.
„ნაციონალური მოძრაობის“ ერთ-ერთმა ლიდერმა, ანა წითლიძემ, 4 ოქტომბერთან დაკავშირებით ოპოზიციის გეგმებზე საუბრისას, სპეცრაზმელების რაოდენობაზე და შსს-ს განსაკუთრებულ დავალებათა დეპარტამენტისთვის წინააღმდეგობის გაწევაზე ისაუბრა.