ჩეხეთის ახალი კოალიციური მთავრობა სამთავრობო პროგრამაზე საბოლოოდ შეთანხმდა. საზოგადოებას მას ორშაბათს წარუდგენენ. ინფორმაცია მედიას მთავრობაში შემავალი პარტიების -ANO-ს, SPD-სა და Motorists-ის ლიდერების შეხვედრის შემდეგ გამართულ ANO-ს თავმჯდომარის პირველმა მოადგილემ, კარელ ჰავლიჩეკმა გაუზიარა.
ადგილობრივ მედიაში უკვე გავრცელდა პროგრამის გარკვეული პუნქტები. კერძოდ, ახალი მთავრობა, მოსახლეობას გადასახადების ნულოვან ზრდას, კორპორაციული გადასახადების შემცირებას, სოციალური შეღავათების გაფართოებას, ფისკალურ სტაბილურობას და საჰაერო თავდაცვის გაძლიერებას ჰპირდება.
ამასთან, ახალი კოალიცია აპირებს, კორპორაციული გადასახადის განაკვეთი 21%-დან 19%-მდე შეამციროს.
მედია ასევე წერს, რომ ცვლილებებია მოსალოდნელი ჩეხეთის საგარეო პოლიტიკაშიც. კერძოდ, კოალიციის ვიშეგრადის ჯგუფის (V4) ქვეყნებთან ურთიერთობების განმტკიცებას, და ევროკავშირთან და ნატოსთან დაკავშირებულ საკითხებში ჩეხეთის სუვერენიტეტის შენარჩუნებას გეგმავს. დოკუმენტი უარყოფს ევროკავშირის ან ნატოს წევრობასთან დაკავშირებით ეროვნულ რეფერენდუმს და მასში შეთავაზებულია ევროპული საქმეთა მინისტრის თანამდებობის გაუქმება და ამ პოსტის კომპეტენციაში შემავალი უფლება-მოვალეობების პრემიერ-მინისტრისთვის კონსოლიდაცია.
დოკუმენტი ხაზს უსვამს ჩეხეთის ეროვნული ინტერესების დაცვას საზღვარგარეთ, ეკონომიკური დიპლომატიის ხელშეწყობას და სტაბილური ურთიერთობების შენარჩუნებას ისეთ სტრატეგიულ პარტნიორებთან, როგორიცაა შეერთებული შტატები და ისრაელი.
როგორც „ევროპული ღირებულებების ცენტრის“ წარმომადგენელი, იაკუბ იანდა X-ზე წერს, ახალი მთავრობა აპირებს, არასამთავრობოების საწინააღმდეგო კანონმდებლობას შემოღებას, რომელსაც „რუსული სტილისას“ უწოდებს. მისი თქმით, დოკუმენტი ითვალისწინებს „უცხოური დაფინანსების მქონე არასამთავრობო ორგანიზაციების“ საჯარო რეესტრების შექმნას, ასევე, „არასამთავრობო ორგანიზაციებს არ შეეძლებათ სახელმწიფო დაფინანსების პოლიტიკური აქტივიზმისთვის“ გამოყენება.
ექსპერტების თქმით, პროექტი დიდწილად ასახავს ANO-ს საარჩევნო დაპირებებს, თუმცა ზოგიერთი ცვლილება პარტნიორების პრიორიტეტებს ასახავს.