ლომისობის დღესასწაულზე, მლეთიდან სალოცავამდე მისასვლელ გზაზე, რთული რელიეფის გამო, 20-მდე ადამიანი დაშავდა.
შინაგან საქმეთა სამინისტროს საგანგებო სიტუაციების მართვის სააგენტოს ინფორმაციით, მათ სხვადასხვა დაზიანება აქვთ მიღებული. დაშავებულთაგან, ორის მდგომარეობა შედარებით მძიმეა.
როგორც უწყებაში აცხადებენ, ადგილზე 65 მაშველი იმყოფება და იქ იმ დრომდე დარჩებიან, ვიდრე ბოლო ადამიანიც კი არ დატოვებს სალოცავს.
დღეს წმინდა გიორგის სახელობის სატაძრო დღესასწაული ლომისობა აღინიშნება.
კომენტარები