,,პრაიმტაიმისთვის” ექსკლუზიურად ხდება ცნობილი, რომ რუსთავი 2-ის გენერალური დირექტორის მოადგილე და კურიერის უცვლელი წამყვანი ზაალ უდუმაშვილი მაყურებელს პარასკევს გამოემშვიდობება.
ზაალ უდუმაშვილის ეს გადაწყვეტილება სავარაუდოდ, მის მერობის კანდიდატობას უკავშირდება.
შეგახსენებთ, რომ ზაალ უდუმაშვილმა ,,ნაციონალური მოძრაობისგან” მიიღო შეთავაზება იყოს პარტიის მერობის კანდიდატი. ზაალ უდუმაშვილის თქმით, მას საბოლოო გადაწყვეტილება ჯერ არ მიუღია. ,,პრაიმტაიმის” ინფორმაციით კი ზაალ უდუმაშვილი შემოთავაზებას დათანხმდა და ის საარჩევნო მარათონში ჩაერთვება.
რაც შეეხებათ სხვა პოლიტიკურ პარტიებს, თბილისის მერის არჩევნებზე ,,ქართული ოცნების” კანდიდატი სავარაუდოდ კახი კალაძე იქნება, ,,ევროპული საქართველოს” კანდიდატი ელენე ხოშტარიაა, ხოლო ალეკო ელისაშვილი არჩევნებში კენჭს დამოუკიდებლად იყრის.