შინაგან საქმეთა მინისტრმა გიორგი მღებრიშვილმა სამინისტროში, საპატრულო პოლიციის დეპარტამენტის თანამშრომლებთან თათბირზე განაცხადა, რომ დღეიდან პირადად ის იქნება კრიმინალური პოლიციის კურატორი.
მღებრიშვილის თქმით, მისი პირველი მოადგილე ბესიკ ამირანაშვილი, რომელიც აქამდე აღნიშნულ მოვალეობას ასრულებდა, გადაყვანილია კადრების განკარგულებაში.
”დღეიდან პირადად მე ვიქნები კრიმინალური პოლიციის კურატორი, ყველა იმ დეპარტამენტის, რომელიც რეგიონში და თბილისშია, ასევე ცენტრალური კრიმინალური პოლიციის დეპარტამენტის და რა თქმა უნდა, საპატრულო პოლიციის, რომლიც კურატორი აქამდეც გახლდით. პირველი მოადგილე ბესიკ ამირანაშვილი გადაყვანილი იქნება კადრების განკარგულებაში.
მე ვფიქრობ, რომ თქვენთან ურთიერთობისას შუამავალი არ მჭირდება და მე უფრო აქტიურად უნდა ვიყო ჩართული იმ პროცესებში, რაც საპატრულო პოლიციასა და კრიმინალურ პოლიციაში მიმდინარეობს. ის კოორდინაცია, რომელიც აქამდე არსებობდა, უფრო ეფექტური და მჭიდრო იქნება“, – განაცხადა გიორგი მღებრიშვილმა.